ركن المرأة شبـــــــاب على طــــــول ابتسامــــــــات جرائد وصحف

الخميس، يوليو 15

سوسو


في غابة صغيرة عاشت مجموعات كثيرة من السلاحف حياة سعيدة لعشرات السنين

الغابة كانت هادئة جدا فالسلاحف تتحرك ببطء شديد من غير ازعاج ولا دوشه

السلحفاة الصغيرة سوسو كانت تحب الخروج من الغابة

وتتفسح  فى الوديان المجاورة

شافت مرة أرنبا صغيرا يقفز و ينط بحرية ورشاقة

تحسرت سوسو على نفسها

وزعلت قووووى

قالت : ياريتنى اقدر اتحرك ذيه لكن  بيتي الثقيل هو السبب

 آآآآآآآآآه لو اقدر التخلص منه

قالت سوسو لامامتها  انا عايزه يا ماما اشيل البيت اللى على جسمى ده

قالت مامتها دى  فكرة وحشه قوووى

 ومش  ممكن نعيش من غير  البيوت دى على ظهرنا

احنا السلاحف عايشين كده من يوم ما خلقنا ربنا فهي تحمينا من البرودة

والحرارة والأخطار

قالت سوسو لامامتها 

 لكن يا ماما ان من  غير البيت الثقيل ده ح أكون  رشيقة ذى  الأرنب

وح اعيش  حياة عادية

قالت مامتها أنت غلطانه  دى هي حياتنا الطبيعية ومش ممكن ابدا  نبدلها

مشيت سوسو بعيد عن مامتها من غير ما  تقتنع بكلامها

قررت ان تنزع البيت عن جسمها ولو بالقوة

بعد محاولات كتيره متكررة وبعد أن حشرت نفسها بين شجرتين قريبين من بعض

قدرت تنزع البيت عن جسمها فانكشف ظهرها الرقيق الناعم

حست سوسو بالخفة  والرشاقه

حاولت انها تقلد الأرنب الرشيق لكنها كانت شعرت بألم كل ما تمشى أو تقفذ

حاولت سوسو أن تقفز قفزة طويلة فوقعت على الأرض

 ومقدرتش تقوم

بعد شويه بدأت الحشرات تقرب منها و تقف على جسمها الرقيق الناعم

شعرت سوسو بألم شديد بسبب الحشرات

وافتكرت نصيحة مامتها ولكن بعد ايه

خلاص بعد فوات الأوان

وقالت ياريت اللى ما جرى ما كان



ياريت كلنا نستمع لنصيحه الكبير وخصوصا من بابا اوماما
لانهم هما اللى فى العالم كله
بيحبونا من غير مصلحه شخصيه
ولا هدف




توته .. توته .. خلصت الحدوته .. حلوه ولا منتوته

باااااااااااااى

تصبحووووووووووووا على خيررررررررررررر




18 التعليقات:

همسات وبحــ الحياه ــر يقول...

هو انا اول تعليق ولا ايييييه

همسات وبحــ الحياه ــر يقول...

ماشاء الله
اول مرة ازور المدونة
واكون اول تعليق :):)

همسات وبحــ الحياه ــر يقول...

هى الناس راحت فين :)

هروح اقرأ وارجع

همسات وبحــ الحياه ــر يقول...

حلو قوى ياقمراية تسلم ايدك :):)

Ramy يقول...

مرمر فضيلة

كناية عن ماما فضيلة

قصة جميلة قوى

بس احنا لسة من كام بوست بتعانى من تحكم الكبار (:(:

فى شباب علطول (:

بس جميلة برضة (:

تسلم ايدك يا مرمر

♥ ♥ Amira Samy ♥ ♥ يقول...

قصة رااااائعة
و جميلة جداً
جزاك الله خيراً حبيبتى

تحياتى لك

mrmr يقول...

دموع القمر
مرحب بيك يا قمر فى اول زياره ليكى
اتمنى يكون بيتى الصغنون ده حاز اعجابك
نورتى
ربنا يسعد اوقاتك

mrmr يقول...

رامى
ههههههههه
حلوه مرمر فضيله دى
بس احب اقولك دى مدونه اطفال
يعنى نسمع كلام ماما وبابا ونصايحهم
مش يفرضوا علينا اراءهم ويلغوا وجودنا نهائى

عايزه اقولك ان الانسان لما بيكبر وينضح ويبقى مسئول عن بيت يبقى القرار الاول والاخير ليه هو والشريك الاخر ليس احد من حقه يدخل فى قراراته وشئونه لانها مش ملكه

لكن الاطفال لسه عقلهم مش ناضج كفايه فلازم النصيحه والارشاد

ربنا يبارك حياتك ويسعد اوقاتك

نفسى اعزمك على حاجه بس الوقت متأخر
فسماح النوبه

mrmr يقول...

سلسبيل
اهلا بقمر 14 اللى هالل عليا ده
نورتى يا جميل
ربنا يسعدك ويحافظ عليكى

بلال عادل رجب. يقول...

جميل جزاك الله خير على النصيحه

Ramy يقول...

فهمت حاضر

انا بس بحب انكش الناس (:(:(:

و أكيد الكلام اللى بتقولية صح محدش يتدخل بين اى اتنين فى اى امور من امور حياتهم

مساء الفل

بعد اية يا عم رامى مساء الفل بعد عدد اتنين كومينت

السماح معلش

ماشى يا عم رامى
(:(:(:

باحث عن حب يقول...

الو
ابله فضيله(مقتبسه من رامى)
طيب هو ثؤال ممكن؟

هى السلحفاء ماتت يعنى؟
يا ابله مث بتردى عليا ليه
ولا علثان ثنانى متكثره
بكره تطلع واعطك
ليه الحكايات الدمويه دى
يعنى انا لو مثمعتث كلام بابا وماما هموت
لآ انا بقه
رايح اعيط على جنب

محمد أشرف يقول...

جميلة هذه القصة

mrmr يقول...

قلب فارس
يا مراحب يا مراحب
بالفارس الهمام
المدونه زادت نور بوجودك
ربنا يبارك حياتك ويسعد وقاتك

mrmr يقول...

محمود
الوووووو محمود الوووووو
اهلا بيك
اولا ياولد انا لازم اعلمك تصحح حروفك مدام انا الابله وانت التلميذ
قول ورايا
أ ، ب ، ت ، ث ، ج ، .......
لغايه ال س قول س ، سين ، سين مش ث

حتى لو السلحفاء مش ماتت على الاقل خسرت كتير واتجرحت كتير وده كله بسبب انها مسمعتش للنصيحه
وبعين دى مش دمويه دى مجرد درس بنعلمه للصغيرين وممكن يكون للكبار اللى دماغهم ناشفه وبيصيرا يستمروا فى الغلط
اكيد ماما تفضل انك تعيط شويه على انها تخليك ترمى روحك فى النار وتنجرح
لازم تعذر ماما

ربنا يسعدك يارب يا محموووود

mrmr يقول...

أ / محمد اشرف
اهلا بيك فى امنياتى
شرفتنى بزيارتك ليا
ربنا يكرمك ويكون معاك

أتنين حبيبين يقول...

وحشتينى يا مرموره ياسكره ياقلبى
اخبارك ايه حبيبتى

جميله القصه ربنا يهدينا جميعآ
وجزاك الله كل الخير

mrmr يقول...

توتا
اهلا بالغاليه
انا بخير وسعاده طول ما شايفه حبايبى سعداء
ربنا يديم علينا الفرح والسعاده

دعــــــوة للضحك من القلب

دعوة للضحك من القلب
اضف هذا الكود الى مدونتك ليظهر عندك رابط مدونة أبتسامات بهذا الشكل