ركن المرأة شبـــــــاب على طــــــول ابتسامــــــــات جرائد وصحف

الخميس، نوفمبر 18

محسن والكلب


سالخير عليكم وعلى اللى حواليكم
كل سنه وأنتوا طيبين
وبعودا الايام 
عيد أضحى سعيد علينا كلنا وعلى كل الحبايب
ويارب تكونوا أكلتوا اللحمه ومحصلتش تخمه
وهصتوا فى الفته والهبر
على قد ما تقدروا
حكايتنا أنهارده حكايه جميله
بتعلمنا أن الله لا يضيع أجر من أحسن عملاً
وبتعلمنا رد الجميل
من خلال محسن  والكلب


 محسن ولد عنده 12 سنه بيحب كل الناس 
 ومش بيعمل فرق بين القريب والغريب
 وبيحسن المعامله للكل وكان انسان بمعنى الكلمه
  وذكى ولما بيشوف حد بيستقبله بابتسامه حلوه 
 وكأنه يعرفه من زمان  ولسانه حلو ديما مع الكل 
وبيحب الكل وبيساعد الكل
وكان محسن بيحس أن عليه واجبات كثيرة نحو وأهله 
 وجيرانه وإى شخص محتاج مساعده
 والكل بيشهد أنه شخص كبير بافعاله ومواقفه 
 مش بسنه الصغير 

وفي يوم من الايام ومحسن راجع لبيته
 شاف كلب يلهث من التعب جنب البيت
وشاف انه نحيل وضعيف ومش قادر يقوم من مكانه
فمقدرش ابدا محسن انه يسيبه كده بدون رعايه

فقدم ليه الاكل والشرب
وفضل محسن يعمل كده كل يوم  لغايه لما حس
بأن الكلب الصغير ابتدأ يتحسن  
 وبدأ جسمه يكبر ،  وصحته ترجعله .
 وبعدين سابه يمشى فى طريقه ..
 محسن فرحان و سعيد
بانه قدر  يقدم  خدمة إنسانية لحيوان ضعيف
 مش يقدر يشتكى ولا يتكلم ويقول سبب ضعفه ايه
  

 وكان محسن بيحب تربيه الطيور
وكان عنده دجاج في مزرعة باباه بيهتم بيها
ويشرف على أكلها وكانت دى  تسلية الوحيده
وفى يوم من الايام وهو قاعد فى المزرعه
 شاف الدجاجات  بتجري  بعيدا عن القفص 
وسمع صوت عالى ومرعب
 لدرجه أن الصوت سمع أهل القرية كلها 
 وأفزع الناس
و محسن نفسه بدأ يتراجع وفضل يجري إلى البيت
علشان يقول لباباه
 وتجمعت الناس وأهل القريه كلها
 قدام الشبابيك والبلكونات تبص  على المزرعة
وتشوف في إيه حصل والصوت ده إيه ..
بصوا شافوا ان فى  ذئب كبيرررر قووووى

بيهجم على الطيور اللى فى المزرعه
و بيحاول أنه يمسك بالدجاجات و يجري وراهم
 والدجاجات  تجرى وهى خايفة ومفزوعة
منه وفجأة ..
 ظهر الكلب اللى كان محسن
أحسن اليه في يوم من الأيام ..
 و هجم على الذئب وقامت معركة حامية
 بين الذئب والكلب .. وهرب الذئب
 وفضل الكلب الوفي يجرى وراه يلاحقه
 لغايه ما طرده من القرية وفى اللحظه دى
 أفتكر محسن  اللى  عمله مع الكلب الصغير
 لما كان تعبان وضعيف وفضل ياكله ويعالجه
 لغايه ما أسترد صحته
 ودلوقتى جه اليوم اللى قدر الكلب
 يرد الجميل لمحسن على المعروف اللى عمله معاه
 وعرف محسن أن اللى  بيصنع خيرا 
 لن يضيع  اجره ابداً..

 وتانى يوم نزل محسن إلى المزرعه
 وقابل الكلب وشكره بطريقته
بانه قدم ليه قطعة لحم كبيرة
جائزة ليه

وبعدين بص محسن إلى الدجاجات فلقيها فرحانة
وبتلعب وترقص مع بعضها وكأنها فى احتفال
وفرح محسن وفرحت القريه كلها

توته .. توته .. خلصت الحدوته .. حلوه ولا منتوته
 
اشوفكم بقى فى حكايه جديده

تصبحوووووووووا على خيرررررررررر



35 التعليقات:

sweet angel يقول...

الله
جميييييييييييييله

تصبحي على خير

karmen يقول...

تصدقي لسه صاحية وكنت هنام تاني ^_^
حكيوة عسوله زيك يامرمر تسلم ايدك حبي
تحياتي

أحمد الصعيدي يقول...

أما كلب بصحيح

ههههههههههه


أوفي من كلاب كتير في البشر


صباحك سكر

أسعدك الله

ستروبرى يقول...

تهنئة خاصة من ستروبرى
كل عام و انت بخير

جايدا العزيزي يقول...

الله يا مرمر

حلوه اوووووووووى

دايما ياقلبى كل كلمه منك بحس لها معنى جميل مختلف

وحشااااااااااااانى اووووووووى

تحياتى

amiralcafe يقول...

في منزلي لنا حمامة مثل الانسان عايشا معنا منذ8 سنوات لو حكيت عنها لاكتبت مجلدات
رؤوف

gogo!sf يقول...

صباح الفل يا مرمر يا قمر


اكيد طبعا كل حد ربنا بيجازيه على اد افعاله ربنا يكرم الجميع ويهدى الكل يارب

حلوة اوى الحكايه يا مرمر وعجبتنى جدا جدا

صباحك جميل يا قمر

eng_semsem يقول...

برغم ني كل مره اجي واقرا الحدوته وكاني طفل وتعجبني وانتقدها وبحس اني بضايقك بس برجع عشان اعرف الحدوته الجديده يمكن وحشتني الحواديت انا خايف تخليني اتفرج على برامج الاطفال من تاني
كل سنه وانت طيبه
تقبلي تحياتي

زهرة(جنى)الاسلام يقول...

السلام عليكم
بجد بحب ادخل مدونتك عشان اقأ القصص الجميلة دى

محمد التركى يقول...

مرمر
انتى يامرمر
روحتى فين يامراميرو

ههههههههه
وحشتينى والله
انا اسف على التأخير بس سامحينى الشغل زاد قوى وكتيير

جميله القصه وحلوه

والله انا عايز انزل بوست جديد مش عارف شكلى عجزت بقى ولا ايه
ههههههههههههه

ابقى طمنينى عليكى
تحياتى لآجمل قلب على البلوجر

محمـــد التركـــى

هديل الحمام يقول...

على طول حكاياتك فيها حكمه ^_^

حكايه تجنن حفظتها واليوم إن شاء الله هحكيها لأخوي الصغير

ربي يجآزيك كل الخير ويسعد قلبك دآيماً

^_^

أم هريرة (lolocat) يقول...

السلام عليكم ورحمة الله

انت جميلة ومدونتك زى السكر
وباين عليكى بتحبى القصص

فيه لنا صديقة جميلة اوى اوى (كلمات من نور ) هى كمان بتحب القصص ولها قصص رائعة انت بتفكرينى بها يارب تكونى بتعرفيها

استمتعت هنا
وعلى فكرة تقريبا مشكلة مدونة قطتى اتحلت كان كود الاداة الموسيقية فيه مشكلة ممكن تزورى المدونة وتقوليلى النتيجة علشان اطمن

تحياتى لك يا اجمل مرمر

وردة الحياه يقول...

حلوة كتير كتير كتير عجبتني كتير تحياتي لكلاب وفيات

mrmr يقول...

سويت انجل
الاجمل وجودك
وانتى من اهل الخير

mrmr يقول...

كارمن
انتى اللى زيارتك ذى العسل ربنا ما يحرمنى منك يا اجمل كارمن

mrmr يقول...

احمد الصعيدى

كلب ابن كلب بصحيح هههه

صباحك ذى السكر

mrmr يقول...

ستروبرى

وانتى طيبه يا اموره

مدونتك حلوه قوى انا زورتها لكن التعليقات فيها مشكله ياريت تلغى التدقيق الاملائى وباذن الله تكون ذى الفل واقدر ازورك يا قمر

بالتوفيق

mrmr يقول...

جايدا حبيبه قلبى

شكرا لتواجدك يا قلبى

انت وحشانى موووت

mrmr يقول...

رؤوف

انا منتظره قصتك مع الحمامه
مش تحرمنا منها

شرفت المدونه

mrmr يقول...

جوجو

صباحك ورد معطر يا قمر

ربى يسعدك يا غاليه

mrmr يقول...

اسامه

انا سعيده بتواجدك
وباكون سعيده ايضا بنقضك للقصه
وباسعد كمان بتعليقك

ربنا يسعد قلبك

mrmr يقول...

زهره الاسلام

ديما بتسعدينى بتواجدك
لكنى منى اجمل تحيه

mrmr يقول...

محمد ايوه يا محمد
يوووووه
ديما كده تناى عليا ومش اسمعك غير ماتاخر وارجع انادى عليك وانت بتعمل ود من طين وودن من عجين هههههه

انا مسمحاك وعارفه ضيق وقته وشغلك اللى مش معطيك الفرصه

ربنا يسعدك ويقويك ويوسع فى رزقك

mrmr يقول...

هديل

وحشانى جدا جدا

انا سعيده جدا ان قصصى بتعجبك

ربنا يسعد اوقاتك

mrmr يقول...

ام هريره

اهلا بيكى يا غاليه
زيارتك ليا اسعدتنى كثيرا
اما عن الاخت كلام من نور فانا بشوف تعليقاتها عن باقى الاصدقاء لكن محصلش نصيب انى ادخل مدونتها اتمنى يجى اليوم اللى ازورها
اما مدونه قطتى فانا فعلا قدرت ادخل المدونه والحمد لله المشكله اتحلت

سعدت بزيارتك ونورتى مدونتى

mrmr يقول...

ورده الحياه

سعيده بوجودك بالمدونه
وسعيده باعجابك للقصه
ربنا يفرح قلبك

أبو حسام الدين يقول...

لهذه المدونة طعم أخر مختلف.
أشكرك على القصة اللطيفة

mrmr يقول...

ابو حسام الدين

شكرا لمرورك وزيارتك
فلقد اسعدتنى حقا

ربى يحافظ عليك

غير معرف يقول...

حسنى مبارك يقدم غاز مصر هدية لدعم إسرائيل و مصر تخسر حوالى 100 مليار دولار فى 20 سنة لأسرائيل !!!

التقت شبكة الإعلام العربية "محيط " مع السفير إبراهيم يسري مساعد وزير الخارجية ومدير إدارة القانون الدولى والمعاهدات الدولية الأسبق بوازرة الخارجية وكان هذا الحوار ...

لعل أزمة الأنابيب الموجودة حاليا حيث يتعذر علي المواطنين الحصول علي احتياجاتهم اليومية من الغاز تثبت بالدليل القاطع لكل الناس فشل سياسة الحكومة بتصدير ثروتنا الطبيعية من الغاز لإسرائيل بأسعار فكاهية دولار وربع للطن المتري في حين أن السعر العالمي اثني عشر دولارا ونصف. وهذا معناه إننا نحرم المصريين مع صباح كل يوم من مبلغ 13 مليون دولار أمريكي يمثل فرق السعر في الوقت الذي يتزايد فيه أعداد العاطلين والفقراء وهو ما يمثل حرمانا للمواطن المصري الفقير والمحتاج من ثروة بلده من الغاز ...

باقى الحوار تحت عنوان ( جدارغزة وتصديرالغاز لإسرائيل إهدار للمصالح المصرية ) فى صفحة الحوادث بالرابط التالى

www.ouregypt.us

حلم يقول...

جميلة جدا اخي
تملك حسا حكواتيا رائعا
بوركت ايها الطيب

elsha3er يقول...

دعوة للأنضمام ألى جروب المدونين على الفيس اللينك
http://www.facebook.com/#!/home.php?sk=group_150308615029590&notif_t=group_activity

elsha3er يقول...

دعوة للأنضمام ألى جروب المدونين على الفيس اللينك
http://www.facebook.com/#!/home.php?sk=group_150308615029590&notif_t=group_activity

gogo!sf يقول...

مرمر حبيبتى كل سنه وانتى طيبه
عيد سعيد عليكم وعلينا جميعا

انا اتصلت بيكى ولكن تليفوناتك مش بترد يارب يكون خير ان شاء الله
طمنينى عليكى
وكل سنه وانتى طيبه حبيبتى

MindEktomia يقول...

خسارة ان مفيش تدوينات جديدة من سنة !!
فى انتظار الجديد :D

L.G. يقول...

ههههههه جميلة انا عايزة من ده يا حزنبل انا عايزة من ده

تنفع ولاد اختي برضه انا والدتي مكنتش بتحكي خالص ولا حافظة ولا حدوتة

جميل .. تحياتي
سماح

دعــــــوة للضحك من القلب

دعوة للضحك من القلب
اضف هذا الكود الى مدونتك ليظهر عندك رابط مدونة أبتسامات بهذا الشكل