ركن المرأة شبـــــــاب على طــــــول ابتسامــــــــات جرائد وصحف

الخميس، سبتمبر 30

فراشه منقطه & الثنائى المدهش


الفراشه.. معشوقة الناس .. الكل

يحبها.. لجمال منظرها .. وظرافة

شكلها .. وطريقة طيرانها ..

وألوان جناحتها

ونيلى غنتلها

كان فيه فراشه صغننه لبسه بلوزه

منقطه


طبعا انتوا فاكرين الاغنيه دى

دى اغنيه نيلى كانت فى مسلسل مبروك

جالك ولد

المسلسل ده كان بيتذاع زمااان وانا

لسه صغنونه

كنت بحب قوى اغانى الاطفال وبصراحه

مازلت بحبها

ذى ما بحب اغانى كتير للاطفال

كماااااااان بحب احضر مغامرات

توم & جيرى ولغايه دلوقتى بحبها واشتاق

اتفرج عليها

باعتبار انى لسه طفله

بس طفله كبيره عندها اطفال

علشان كده فكرت اننا نغير شويه ونريح

نفسنا من المجهود العصبى اللى بنشوفه

يوميا

ونسمع  مع بعض الاغنيه

ونشوف مغامره من مغامرات توم وجيرى

اللى اكيد منكم بيحب بتفرج عليهم 

يارب تعجبكم

وان ما عجبتكوش متعلقووووووش

هههههههههه

مساءكوا قشطه
 


تووووم & جيررررررى



تصبحووووووووا على خيرررررررر

36 التعليقات:

بلال عادل رجب. يقول...

اغينه حلو
وتوم وجيرى حلو

باحث عن حب يقول...

الله
نيلى
معشوقه الاطفال
وتوم اند جيرى
عندى كتير منه
على الجهاز
ايوة كده
رجعينا للطفوله من
تانى

جايدا العزيزي يقول...

الله يامرمر

انا بحب الاغنيه دى اووووووووووى

ونوم وجيرى

والله بقالى ساعات بحمل لحسام

توم وجيرى

ونقار الخشب

وسبنج بوب

لما هلكت وهو يقولى خلصى

عايز ده وده وده


شفتى جبتى الفديديو فى الوقت المناسب

اشكرك ياقلبى

وتسلمى لى يارب

تحياتى

غير معرف يقول...

الله
جميله الاغنيه دى فعلا وبحبها كتيرررر
اما بخصوص توم اند جيرى فعلا بحب اتفرج عليهم وبالذات وهما بيجروا ورا بعض بيفكرونى بـ ناااااس
هههههههههههههه
أمشى بقاااااا
وتعالى
أنتى لساعندك

Haytham Alsayes يقول...

الله عليكي بجد

والله مدونة طفولة من الطراز الاول

تحياتي ليكي

sweet angel يقول...

اااااااااه احب انا ده
عاوزة من ده يا حزمبل

وانتي من اهل الخير

محمود المصرى يقول...

mrmr انا فعلاَ حتى الاْن بحن اْسمع الاْغانى الجميلة دى ومعتقدتش فى حد فى مصر كبير او صغير مبيحبش يشوف توم وجيرى
اْنا عزمك على فيلم رعب عندى فى المدونة ومتنسيش التعليق وصدقينى هزعل لو مجتيش
اخوكى
محمود المصرى

Unknown يقول...

مرمر.........

ازيك يا قلبي يا رب تكونى بخير معلش جايه متاخر بس كنت مسافره والله يارب تكونى بخير ابقى طمنينى عليكى

Unknown يقول...

هى دى الطفولة مش عيال الايام دى بيتفرجوا على المصارعة ويسمعوانانسى

هديل الحمام يقول...

سلمت أناملكـ مرمر ^_^

حلو التغيير وحلوه أغاني الأطفال

وتوم وجيري يجنن أخوي الصغير مجنني فيه

من اغاني الأطفال أنا أموت بأغنية لـ سعاد حسني تبع البنات البنات ^_^

كنت أحبها بصغري ولـساتني أحبها

ما سامعه أغنية نيللي قبل هسه أسمعها

×_×

همسات وبحــ الحياه ــر يقول...

عثل عثل عثل

وثكر ثكر ثكر

بس انا اول مرة اسمع الاغنية دى
انا اعرف توم جيرى بث :)
كان على ايامنا عالم سمسم
وسينما الاطفال وعروستى وكدا ههههه
كان فى واحد اسمه الشاطر عمر

كبريـــــــاء انــــــثـــــــــى يقول...

حلوة اوى الاغنيه وانا بحب نيلى اصلا
وبجد بحب توم وجيرى اووووووووووووى

شكرا ليكى يا مرمر

فاتيما يقول...

مرمر

طمنينا عليكى
وصلتى بالسلامة الحمدلله

و كله تمام

انا مبسوطة جدااا انى شوفتك و اسفة انى ملحقتش اقعد معاكى كفاية
انتى حد طيب قوى قوى قوى


طمنينا عليكى الاول
و بعدين نبقى نرغى و نحكى

بوسات و حضونات يا حبيبتى

mrmr يقول...

قلب فارس
انت زيارتك احلى
شكرا

وربنا يسعدك

mrmr يقول...

محمود
انا بالرغم من كبر سنى لكن بعشق توم اند جيرى واغانى الاطفال ديما بحس انى طفله كبيره
يارب نرجع اطفال

mrmr يقول...

جايدا
انا كمان بحبك قوى
وعيونى لحسام انا على استعداد اجمعلك اكبر قدر من هذه الافلام
ربنا يباركلك فيه ويسعدك ويسعده

mrmr يقول...

حبى الجميل
انا مش بحب توم وجيرى قد حبى ليكى يا قمر انتى
بفكرك بناس بتجرى ورا بعض اممممم
طيييييييب عرفتهم
ما فيش داعى اقول مين هههههههههه

mrmr يقول...

هيثم باشا
اهلا بيك يا استاذى العزيز

طفوله مشرده ههههههههه

ربنا يسعدك

mrmr يقول...

سويت انجل
اهلا بيكى يا قمر
منورانى بجد
حزنبل بيقولك كله من ده
شكرا للزياره يا قمر

mrmr يقول...

محمود المصرى
انا مقدرش على زعلك انا ح اجى فعلا ب ادينى وقت واسفه جدا للتاخير على ردى على التعليقات
شكرا لزيارتك

محمد التركى يقول...

مرمر

حمدله على سلامتك بقيت مش عارف ادخل فين ولا اروح فين واجى منين
علشان اطمن عليكى
لحد ماجالى من مصادر موثوق فيها بداخل اسكندريه

أن أجمل سوهاجيه غادرت البلد متوجه الى القطار
فدعيت ربنا توصلى بالسلامه

طيب مش تقولى وتمنينا عليكى ولا ايه

ياريت تطمنينى عليكى

على فكره انا كنت سعيد جدا انى شفتك واتعرفت عليكى
انتى من الناس المحترمه جدا وكمان دمك خفيف جدا

وكان تجمع جميل جدا
صح صح قولى الحق

يارب تكونى انبسطى زى ما انا وكلنا انبسطنا

تحياتى لأجمل وارق قلب على البلوجر

محمـــد التركـــى

سندباد يقول...

والله مفيش اجمل من ايام وراحة بال زمان
زمان لما كنت بقول لجدتي ادعيلي كانت تقولي روح يابني ربنا يريح بالك كنت بقولها ياجدتي ادعيلي انجح يبقي معايا فلوس كتير
كانت تقولي لما تكبر هاتعرف يعني ايه راحة البال وطلع عندها حق
تحياتي لاختيارك
تقبلي مروري

mrmr يقول...

منه
اهلا يا حبيبه قلبى
يا غاليتى انتى تيجى فى اى وقت المهم انى اطمن عليكى
وحمد الله بالسلامه يا جميل
يارب تكونى سعيده ويسعد قلبك

mrmr يقول...

العيسوى الصغير

احنا طول عمرنا عيال بس بقلوبنا
وياريت تيجى يا خويا على المصارعه وبس لكن الرعب اللى بيتفرجوا عليه ولا كانى شئ بيخوف ولا له تاثير فيهم
نورتنى بجد

ربنا يسعد اوقاتك

mrmr يقول...

هديل

ديما منورانى يا اجمل هديل حمام باحس بالهدوء الشديد لما بتدخلى عليا
وبالبراءه فى تعليقاتك
ربنا يسعد قلبك

mrmr يقول...

همسات بحر الحياه
اغنيه نيلى دى لقطه من مسلسل لكن من الاغانى اللى بحبها
تحياتى اليكى يا اجمل همسه

mrmr يقول...

moon light
اهلا بيكى فى مدونتى الصغنونه المتواضعه دى اللى بشوف فيها نفسى بجد
بترجعنى طفله صغيره

اتمنى تكون المدونه عجبتك

ربنا يفرح قلبك

mrmr يقول...

فاتيما

شكرا ليكى يا طمطم على سؤالك يا غاليه
انا الحمد لله وصلت بالسلامه ووسط بيتى وبناتى

وانا سعيده جدا انى شفتك بجد
بالرغم من انى مش قعدت معاكى لكن انتى شخصيه حبوبه وتدخلى القلب بسرعه
وكلك نشاط وحيويه

ربنا يفرح قلبك ويهنيكى

mrmr يقول...

محمد التركى

اهلا بيك يا راجل يا طيب
انت كلك ذوق وقلبك كبير
انا وصلت اخيراااااا بالسلامه

وكنت سعيده جدا جدا بانى شفت الناس اللى بحبهم من قبل ما اشفهم وحبيتهم اكثر لما شفتهم
ربنا يجمعننا تانى على خير

ربنا يسعدك ويحافظ عليك

mrmr يقول...

سندباد

ولا يهمك اعتبرنى ذى جدتك وانا ادعيلك
روح يا سندباد يا ابن ام سندباد ربنا يريح بالك ويحافظ عليك ويملا قلبك بالفرح ويفتح فى طريقك باب رزق

نورتنى بجد يا رجل

eng_semsem يقول...

كتير بنعشق الماضي ونحب نعيش فيه على طووول وانت فكرتينا بزمان لما كان مفيش مسؤليات على الواحد غير هنخرج امتى ونلعب ايه والايس كريم وحاجات قديمه كنا نسينها ايام ما كانت البراءه بتحكم كل تصرفاتنا ياريتنا نرجع زي زمان

ghada mOhsen يقول...

الله إيه البوست المنعش ده

أنا بحب الحاجات دي كتييييير

أغاني الأطفال وتوم وجيري

أمووووووت أنا في الطفوله
...........
سعدت بوجودي هنا

تحياتي الملونه لروحك المرحه
^_^

mrmr يقول...

eng_semsem

اهلا بيكى ياقمر

الانسان بلا ماضى ليس له مستقبل وانا بعشق الماضى بكل حوارحه لكن فى الطفوله ليس له حوارج اكثر من له طعم وذكريات جميله

نورتنى ونورتى امنياتى

mrmr يقول...

ghada mOhsen
اهلا بيكى صديقه للمدونه

انا فى الخدمه تحت امرك يا جميل

شكرا للزياره

rack-yourminds يقول...

انا بقي كنت بحب اشوف حلقات مسلسل الكابتن ماجد.....وكنت فاكر كمان ان اي فريق يلبس ابيض يبقي زمااااااااالك واحمر يبقي لازم يبقي اهلي !!!

كنا اطفال وفجاة بقينا شباب وفجأة ايضا هنبقي عواجيز
________

تحياتي

غير معرف يقول...

improve page rank guaranteed seo backlink service build backlinks

دعــــــوة للضحك من القلب

دعوة للضحك من القلب
اضف هذا الكود الى مدونتك ليظهر عندك رابط مدونة أبتسامات بهذا الشكل