ركن المرأة شبـــــــاب على طــــــول ابتسامــــــــات جرائد وصحف

الجمعة، مايو 28

الثعلب المكار

2




كان يا مكان كان فى بستانى  شقيان وتعبان قوى

كان تملى بيراعى البستان بتاعه

وياخذ باله من الاشجار كل يوم

يسقيه ويقلمه أو يقلع الأعشاب الضّارة اللى حواليها 

 لغايه ما يلاقى الاشجار اثمرت وبقت مليانه من الفاكهه

و فى يوم من الايام  جه ثعلبٌ جائع خالص عدى على البستان

وشاف الاشجار مليانه فاكهه  فسال لعابه و اشتهى أن يأكل منها



لكن اذاى يدخل البستان

واذاى يتسلّق السّور العالي ده



بقي الثعلب يلف يدور حولين السّور ، لغايه ما لقى فتحه صغيره خالص

قدر يدخل منها بالعافيه
 و بدأ يأكل الفواكه لغايه ما انتفخت بطنه

و لمّا حب يخرج مقدرش

قال في نفسه : انا اتمدد هنا واعمل نفسى ميت

و لما يجدني البستانيّ كده

يروح را ميني بره السّور ، فأهرب و أنجو



جاء البستانيّ علشان يشتغل ذى عادته ، فشاف بعض الأغصان مكسّرة

و القشور مبعثرة ، عرف أنّ أحدًا دخل إلى البستان

فراح يدور ويلف علشان يشوف مين اللى عمل كده

لغايه ما لقى الثعلب  ممدّدًا على الأرض

بطنه منفوخه ، و فمه مفتوح ، و عيناه مغمضتان



قال البستانيّ : اه  نلتَ جزاءك أيّها المكار

سأحضر فأسًا ، و أحفر لك قبرًا

علشان ما  تنتشر رائحتك النّتنة

خاف الثعلب فهرب و واستخبى ، و بات وهوخايف من البستانى

و عند الفجر خرج من الفتحة الّتي دخل منها

ثمّ التفت إلى البستان و قال : ثمارك لذيذة و مياهك عذبة



لكنّ ما أستفد منك بشيئًا



دخلت إليك جعان ، و خرجت منك جعان ، و كنت ح أدفن حيّ


((( توته توته .. خلت الحدوته .. حلوه ولا ملتوته )))

باااى بقى

واستنوا منى حدوته جديده

الاثنين، مايو 24

الشاطر حسن وست الحسن والجمال

4

ورجعتلكم تاااااااااانى بحدوته جديده
اه ... مستعدين للحدوته
حدوته النهارده بتحكى عن الشاطر حسن
وست الحسن والجمال

كان ياما كان يا سعد يا إكرام في سالف العصر والأوان
كان فيه غراب
طول اليوم يفضل طاير ويلف ويدور فى السماء ..
وفي مرة كان طاير فوق الجبل
 بص لقى شال حرير أحمر في وسط الجبل.. قرب منه لقي جواه بنت جميلة
رائعة الجمال
مكتوب على إيديها اسمها "ست الحسن"...



شال الغراب الطفلة بمنقاره
وفضل طاير طاير لحد ما وصل لشجرة كبيرة أوي أوي
وحط فوقها الشال
وجواه ست الحسن.. وفضل الغراب يربي الطفلة فوق الشجرة
 وكان بيطير كل يوم للسوق ويخطف لها الحليب
 لحد ما كبرت البنت وبقت أحلى البنات.



وفي يوم من الأيام
كان الأمير ابن السلطان بيسقي حصانه من البير اللي تحت الشجرة
 اللي ساكناها ست الحسن
 وفجأة بدأ الحصان يتحرك بعصبية
 فنظر الأمير لفوق ولقي بنت زى البدر بتبص عليه من على الشجرة
 فسألها " انتي إنسية
 ولا انتي حورية نزلت من الجنة"، قالت له "أنا ست الحسن والجمال"
 ومقدرش الأمير يقاوم جمالها فطلب منها الزواج
 وهي وافقت طبعا
وأخدها على القصر الكبير
 وعرفها على أبوه السلطان وزوجة أبوه
وعاشوا في القصر في منتهى السعادة



لحد لما السلطان مات في الحرب
 فراح ابنه الأمير عشان يقود الجيش
 وفضلت ست الحسن في القصر منتظراه مع مرات أبوه
فحبستها مرات أبوه ومنعت عنها الأكل



وفي يوم جاعت أوي ست الحسن
 وتوسلت لمرات الأب إنها تديها أي لقمة
 فقالت لها هاتي عينيك وخدي رغيف عيش
 وأخدت عينيها !
 وفضلت كده، كل مرة تجوع ست الحسن تاخد منها مرات الأب حتة حتة
لحد ما فضلشي غير العظم
 وساعتها رمتها مرات الأب من الشباك...



وقعت ست الحسن على خاتم غريب
 وطلع خاتم سليمان
وفجأة خرج منه جني وقال لها
 "شبيكي لبيكي عبدك ملك أديكي اطلبي تنولي"
 قالت له :
" أول حاجة ترجعلي جمالي اللي اتسرق مني
 وتاني حاجة عاوزة قصر كبير فيه كل أنواع الفواكه صيف وشتا"



وفعلا رجع لست الحسن والجمال جمالها
 واتبنى قصركبير قدام قصر السلطان
 في يوم وليلة فيه ما تشتهي النفس وتلذ الأعين..
وبعد شهور قليلة رجع الأمير منتصر من الحرب
 وأول ما وصل قابلته مرات أبوه
 على إنها ست الحسن
 وسألها عن مرات أبوه فقالت له ماتت
 لكن الأمير حس إنها متغيرة وسألها مالك
فجاوبت إنها مريضة من قلقها عليه
 وإنها حامل
وهتجيب له ولي العهد
 وطلبت منه تفاح وعنب لأنها بتتوحم



فرح الأمير وطلب من الحاشية إحضار التفاح والعنب
 لكن الفواكه دي مكانش أوانها
 ففكر رجال الحاشية وقالوا له مفيش غير القصر المسحور اللي قدام قصر السلطان
فأمر الأمير حارس إنه يروح يطلب من صاحبة القصر فاكهة



فراح الحارس ودق الباب وقال
  "يا ست يا ستنا ياللي قصرك قدام قصرنا تفاحة ولا عنباية للعليلة اللي عندنا"
 فردت عليه ست الحسن
 وقالت : "يا مقص قص لسانه"
 فرجع الحارس للأمير وهو اخرس فاقد النطق..
 وأرسل الأمير حارس
 تاني
وتالت
 وحصل معاهم نفس اللي حصل مع الحارس الأول.



فراح الأمير بنفسه للقصر المسحور
 ودق الباب وقال:
 "يا ست يا ستنا ياللي قصرك قدام قصرنا تفاحة ولا عنباية للعليلة اللي عندنا"،
 ردت عليه ست الحسن وقالت:
 "أنا العليلة وأنت الدوا"..
 قال الأمير : "الصوت ده أنا عارفه مش غريب عني"



وخرجت ست الحسن
 فاندهش الأمير من جمالها وقال لها
 "انتي ست الحسن بس أجمل كمان..
 أمال مين اللي في قصري هناك؟"
 قالت له ست الحسن
دي مرات أبوك بعد ما سرقت جمالي ورمتني
 وحكت له كل القصة من البداية

رجع الأمير القصر ومعاه ست الحسن
 وأمر بجمع كل الحطب اللي في المدينة
 وعمل محرقة كبيرة
 ورمى فيها مرات أبوه
 وعاش الأمير مع ست الحسن في تبات ونبات
وخلفوا صبيان وبنات إلى أن جاءهم هادم اللذات ومفرق الجماعات

((( توته .. توته .. خلصت الحدوتة .. حلوه ولا ملتوتة ... )))

وبكره إن شاء الله ميعادنا مع حدوتة جديده ..

أنتظرونى

باااااااااى

الفار الطماع

0


حبايبى الصغيرين اللى  يحبوا الحواديت خاصة حدوتة قبل النوم ..

ماما بتحتار معاكم   تحكى لكم ايه  ويمكن تقعد تحكى لكم  نفس الحدوتة

اللى حكتها  قبل كده عشرات المرات لغايه ما  تملوا منها  ..

 ففكرت أن احكيلكم انا

 
و سأبدأ من اليوم إن شاء الله بالحدودة الأولى .. و إن شاء الله أقدم كل يوم حدوتة

جديدة ...قصيرة لكن معناها كبير ..

أدعوا لي ربنا يفتح على و أقدر أكتب و أضيف للحكايات بحيث أقدم كل يوم حكاية

جديدة ...


الــــحــــدوتـــــه الأولـــــى

 
 الفأر الطماع

كان ياما كان يا سعد يا إكرام

كان فيه فأر
شاف الفار فلاح عنده منزل ومخزن علشان يشيل فيه القمح
فقال الفأر أنا بحب البيت ده والمخزن ده  ولكن هناك قطة في المخزن
 تحرسه لكن الفأر يحب القمح
فكرالفار وراح لبيت الفلاح الذي بناه وقام يحفر سرداب تحت المخزن
 وقعد الفأر تحت السقف يفكر اذاى يوصل للقمح
 من غير ما يقع في يد القطة
 فوقع على أنفه حبة قمح  ٍففرح جدا  الفأروقال الأرض فيها شق
إن قمح المخزن يقع من الشق حبة حبة
ومر يوم
 وقال بدلاًمن حبة حبة كل يوم نخليها اثنين كل يوم
 فقرض الفأر خشب سقف المخزن
 وخرج من الفتحة حبتين حبتين
وثالث يوم فكر الفأر وقال
 بدل من اثنين نخليهم ثلاثة
 والفأر قعد يقرض الخشب ونزل ثلاثة فقال الفأر
 لماذا لا ما نخلهمش خمسة وسبعة وتسعة
والفأر يقرض والفتحة تكبر
 ثم جلس الفأر ليستريح
 وأغمض عينيه ثم فتحها فوجد أمامه القطة
 التي نزلت من الفتحة الكبيرة التي صنعها
إن الفأر كان يريد شوال قمح فنزلت له قطة
طبعا الطمع نساه وجعله ميفكرش الا فى القمح
كان يريد الهرب من القطة
لكن مقدرش 
 وقال الفأر للقطة قبل أن تاكله
أقول لك ثلاث كلمات
الله يجازي الطماع …الله يجازي الطماع .

(((  خلصت الحدوتة .. حلوه ولا ملتوتة ...   )))
وبكره إن شاء الله مع حدوتة جديده ..
فأنتظرونى .

باااااااااى

الثلاثاء، مايو 4

شاطر & ومغامره جديده

2


شاطر ،،  شاطر




الحلقه الاولى

دعــــــوة للضحك من القلب

دعوة للضحك من القلب
اضف هذا الكود الى مدونتك ليظهر عندك رابط مدونة أبتسامات بهذا الشكل