ركن المرأة شبـــــــاب على طــــــول ابتسامــــــــات جرائد وصحف

السبت، يوليو 17

الغراب الطيب




كان يا ما كان يا ساده يا كرام

في يوم من الايام وقف غراب اسود الريش ذو منقار اصفر رفيع

وشكله كده يبان عليه علامات الطيبة

وقف على شجرة عالية ليها  اغصان  كثيرة

في وسط حديقة جميلة

اشجارها كثيفة وارضها واسعه خضراء مليانه بالطيور المغردة

و الزهور الملونة و كان حاطط في بقه حته جبنه

و في الوقت ده  مر ثعلب ذو الفراء الرمادي عيناه كلهم مكر وفكه كبير

 و اسنانه حاده و جسمه نحيل من كتر الجوع

وباين عليه المكر و الحيلة و الدهاء.

حب الثعلب انه يخدع الغراب علشان ياخذ منه حته الجبنه

وعلشان عارف ان الشجرة عالية ، وهو مش ح يقدر يطير علشان يوصل للغراب

طلب منه ان يغني علشان يسمع صوته الجميل

 وما ان فتح الغراب بقه علشان يغنى حتى

وقعت حته الجبنه في بق الثعلب الذي خدها  جرى و هو يشعر بالفخر و الانتصار

بانه قدر يضحك على الغراب

وبكده خلصت حكايتنا

 

عارفين احنا نستفيد ايه من القصه دى

ان الحرص و الاحتياط واجب ومش اى حد يقولنا كلمه مجامله نصدقه


توته .. توته .. خلصت الحدوته .. حلوه ولا منتوته 

باااااااااااااى

تصبحووووووووووووا على خيررررررررررررر


16 التعليقات:

أتنين حبيبين يقول...

وسع وسع توتا جت يا جماعه

أتنين حبيبين يقول...

وحشتينى يا روحى اوووى بحبك والله من كل قلبى ويارب ما يحرمنى منك من احساسك الجميل وكلماتك الاجمل اتجاهى وربنا يديم بينا الود والمحبه والاخوه فى الله

أتنين حبيبين يقول...

ههههههههه
غراب عبيط بقا التعلب المكار يضحك عليه ههههههههههه

فعلا المفروض مش نصدق اى حد يقولنا كلمه
كلامك صح يا ماما ربنا يخليكى ليا يا مامتى يا حبيبتى يا سكريتى وكل حاجه حلوه
وحاضر مش هسمع كلام التعلب الوحش

ههههههههههههههههه
جميله اووى
تسلم ايديكى
اموووووووووووووووووواه
توتا الشقيه

محمود(باحث عن حب) يقول...

السلام عليكم
تعلب مكار
وغراب غبى
ازاى صدق نفسه
فى حاجه هى اصلا مش موجوده فيه
ايه الحلاوة دى
ا

mrmr يقول...

توتا
اهلا بيكى يا قمر
منورانى دايما يا حبى
ربنا يسعدك يا غاليه وبفرح قلبك

mrmr يقول...

اهلا يا محمود
هو فعلا غبى
بس ممكن نلتمس له العذر
لان كلمه المجامله خلته يصدق نفسه انه صوته جميل
وسعات البنت بتوقع فى الفخ ده
علشان كده ليس كل ما يقال لك تصدقه

ربنا يبارك فيك يا حوده
ويسعد اوقتك

محمود(باحث عن حب) يقول...

فعلا مرمر
البنات كده سهل الخداع
بس اللى بيمشى فيهن وراء مشاعرهن
كده
كان زمااااااااااااان
البنات تلوقتى
فاهمه وعارفه
وكده يعنى
بمعنى
العقل اشتغل عند بعضهم

ههههههههههههههههههه
مقصدش والله
اقصد ان
انهم الكثير منهم اصبحوا يغلبوا العقل على العاطفه
بس اقولك على حاجه
والله الاولاد
كده برضوا
واسألينى انا

بالتوفيق يا مرمر
ملحوظه
كل الكلمات اللى فوق معظما تعون على جمع مؤنث سالم
مش يعنى ياخد طريق صلاح سالم
لآ
ياريت
تكتبى الجمل صحيحه مع انسابها الى الضمير المرادف لها

Ramy يقول...

عارف هتخدى الكارنية منى ومش هدخلينى المحاضرة تانى لو اتأخرت (:

مرمر فضيلة

قصة فى الجون صحيح

على رأى الكبار

حرص ولا تخون

وانتى من اهله

mrmr يقول...

محمود
فعلا معظم البنات دلوقتى بيحكموا عقلهم عن العاطفه
لكن فى بنات كتير بتبقى محرومه من كلمه حلوه تتقال ليها حتى فى وسط الجو العائلى من بابا او من ماما علشان كده بتميل مع اول كلمه حلوه
وخصوصا البنات اللى فى سن المراهقه

mrmr يقول...

رامى

كن مطمئن مش ح اخذ الكارنيه
واتمنى القصه تكون عجبتك

وانت من اهل الخير

زهرة(جنى)الاسلام يقول...

السلام عليكم
حلوة جدا
انا عاوزة كمان حدوتة وياريت اقراها قبل النوم
ياة منذ زمن مسمعتش حواديت
لاكن بجد رائعة ومفيدة

mrmr يقول...

زهره الاسلام
من عنيا يا جميل
الحدوته ح تبقى قبل النوم علشان لازم اقولكوا تصبحوا على خير
ربنا يسعدك

سلسبيل يقول...

جميلة اووووووووى
تسلم ايدك حبيبتى

تحياتى لك

mrmr يقول...

سلسبيل
يا هلا يا هلا
نورتى يا قمر
ربنا يسعدك ويحافظ عليكى

Tarkieb يقول...

بس التعلب شعرة اصفر برتقالى يامرمر....ده رمادي ليه؟؟؟؟؟ عجوز يعني وشعره شايب؟

mrmr يقول...

تراكيبووووووو
يالهوووووووووووووووووى عليك
طبع مخرج ومؤلف وفنان لازم يكون فى تعليق هههههههههههه
انا مش فنانه ذيك وبعدين الثعلب ده مجرد شكل بس فى القصه لكن الثعلب اللى بجد شايلاه فى الدولاب ههههههههههه
بجد بجد سعيده بيك
ربنا ما يحرمنى منك
ربنا يسعدك ويحافظ عليك

دعــــــوة للضحك من القلب

دعوة للضحك من القلب
اضف هذا الكود الى مدونتك ليظهر عندك رابط مدونة أبتسامات بهذا الشكل