ركن المرأة شبـــــــاب على طــــــول ابتسامــــــــات جرائد وصحف

الخميس، يوليو 22

ذكاء السحلفاء



حكايه انهارده حكايه جميله

كلها ذكاء بس الذكاء مش بالجحم

الطفل الصغير ممكن ينتصر على الراجل الكبير

ذى ما ح نشوف فى حكايتنا دى




يحكا ان
كان فى غابة جميلة بعيده سكان بيعيشوا في نظام وحب

وبيساعدوا بعض وبيخافوا على بعض



وفي يوم من الأيام خرجت الحيوانات كلها بتفتش عن اكلها في كل الغابة



وبتدور في هدوء وأمان على الاكل



وبعدين سمعوا صوت الأسد وهو بيزمجر



والغابة اتملت بالرعب فخافت الحيوانات كلها



وسابت كل اللى فى ايديها وكل اللى كانت بتدور عليه



وبقى كل همها أن تهرب من عنين الأسد الغضبان والجائعان.



الأسد كان يقفز من مكان للتانى بيدورعن الطعام علشان يسد بيه جوعه



ملقيش غير سلحفاة صغيرة مقدرتش تستخبا لأنها بطيئة الحركة



فأوقفها الأسد وقال لها:



ما فيش في الغابة حيوان أكبر منك علشان يسد جوعي؟



فقالت السلحفاة

إنا ياسيدي الأسد مسكينة فكل الحيوانات تقدرتستخبا لو شافت



اى خطر أما أنا فلا.



فقال لها الأسد



اسكتي أيها الصغيرة, سآكلك غصبن عنك فإنا مش لاقى ولا أرنب أو غزال,



ولقيتك انتى في طريقي


اسيبك وأنا جوعان ؟؟

فقالت السلحفاة



إنت مش ح تشبع لو أكلتني بل بالعكس ح تجوع أكثر.



فصاح فيها الأسد



مش ح تقدرى تقنعينى  سآكلك يعني سآكلك.

فردت عليه السلحفاة بحزن و بأسى



رضيت بما قدره الله لي ولكن قبل أن تأكلني لي عندك رجاء.

فقال لها الأسد: هو ايه؟

فأجابته السلحفاة



ما تعذبنيش قبل ما تأكلي فإنا راضيه أن تدوسني برجليك



أو أن تضربني بجذع شجرة



ولكني لو سمحت مترمينيش فى النهر.



فضحك الأسد وقال لها



انا ح اعمل فيكى عكس ما طلبت مني

بل سأرميك أيتها المخلوق الحقير



فتظاهرت السلحفاة بالبكاء والخوف فأخذها الأسد ورمى بها في النهر



ولكن السلحفاة الذكية قعدت تضحكت وقالت للأسد



يالك من حيوان غبي انت مش تعرف أنني أعيش في الماء



ولا أخاف منه لأني أجيد السباحة؟



وبكده قدرت السلحفاة أن تنجى نفسها من الأسد بفضل ذكائها





توته .. توته .. خلصت الحدوته .. حلوه ولا منتوته

باااااااااااااى بقى لحسن خلاص

نمت منكم

اشوفكم فى حكايه جديده



تصبحووووووووووا على خيرررررررررر

8 التعليقات:

Unknown يقول...

احم احم
سلامو عليكو

والله بجد انتي رايقة جدا
والواحد لما بيدخل المدونة بينسي الهم
بترجعيني لايام الطفولة بجد
ربنا يبارك فيكي ويوفقك يارب

امانة عليكي تدعيلي اني انجح بقي
عشان القل شديد قوي الايام دي

سلامو عليكو

بلال عادل رجب. يقول...

يارب يكون فيه الكثير من امثال السلحفاؤ فى البشر

باحث عن حب يقول...

هههههههههههههههههههههههههههههههه
عثل والله
يا مرمووووووووووووووووووووره
ميه ميه
ياريت
نكون
بذكاء
السلحفاء
مش بدرجه
بطأها

أتنين حبيبين يقول...

جمييييييييييييييييله اوووووووووووووى ياماما تسلمى ليا

كده اروح انام وانا مبسوطه
تصبحى على خيررررررر يا ماما

Ramy يقول...

جميلة كالمعتاد

يا مرمر فضيلة

اسيبك تنامى بقا مع انى كنت جايب

فاكهة معايا بس خلاص المرة اللى جاية

(:

تصبحى على خير

♥ ♥ Amira Samy ♥ ♥ يقول...

هههههههههههههه
اسد غبى بس بجد قصة
جميلة أووووووى
تسلمى حبيبتى بجد
بحس براحة و عالم تانى فى
مدونتك منتظرين باقى القصص
يا احلى ماما ههههههههه\

تحياتى لك

Tarkieb يقول...

هههههههه حلوة .....بس في نوعيين من السلاحف مائي وبري والمائية عمرها ما حتمشي في الغابة ولا يشوفها اسد والتانية ما بتعرفشي تعوم....يبقى اكيد غرقت

mrmr يقول...

انسان عادى
هو ده هدفى فعلا ان الواحد ينسى الهم والكلام فى السياسه والمشاكل ونتعلم شئ صغير ممكن يكون غايب عن فكرنا ولو لبعض الوقت
ربنا يسعدك ويفرح قلبك بالنتيجه المرضيه ويوفقك


##############


قلب فارس
فى فعلا من امثال السحلفاء بس احنا عايزنهم يكتروا
شرفتنى وسعيده بوجودك


#############


محمود
اهلا يا حوده ازيك
اتمنى تكون بخير
الله يعسل اهلك هههههههه
يارب يا خويا يارب

ربنا يبارك فيك ويسعدك


#################


توتا حبيبه قلبى
وحشتنى
ماما بتحب انك تنامى مبسوطه وسعيده
تصبحى بالف خير


################


رامى
اهلا يا ابو الرووووم
برضه كده تجيب الفاكهه وقت متاخر
طيب من هنا ورايح مش ح انام غير لما القيك جبت الفاكهه معاك
وانت بالف خير
ربنا يباركك ويكون معاك


#################


سلسبيل
تملى منوارنى يا حبى
ربنا يسعدك ويبارك فيكِ


##################


تراكيب
يا مراحب يا مراحب
قصتنا دى عايزه تقولنا اننا نكون اذكياء صرف النظر عن نوع السلحفاء المقصد انها ضعيفه وبالرغم من ذلك قدرت بدهائها وذكائها تنقذ نفسها

سعيده اوى يا تراكيبووووو بوجودك ومشاركتك
ربنا يسعدك ويحافظ عليك

دعــــــوة للضحك من القلب

دعوة للضحك من القلب
اضف هذا الكود الى مدونتك ليظهر عندك رابط مدونة أبتسامات بهذا الشكل