ركن المرأة شبـــــــاب على طــــــول ابتسامــــــــات جرائد وصحف

الاثنين، يوليو 5

الديك المغروووور


كان ياما كان كان فى ديك بيعيش مع ثلاثه  فرخات
 في مكان صغير قدام بيت من البيوت
 وكان دائماً الديك يتباهى بصوته العالي
 وبسيطرته على الفراخ
ويقول ليهم
أيتها الفراخات الضعيفات، إن صوتي احسن وأجمل من أصواتكن
 وأنا أقوى منكن جميعاً
ويعلى صوته  ويصيح علشان يسمعهم عدة مرات وبعدين
 ينظرلهم نظره احتقار
 أما الفراخ غصبن عنهم يفضلوا ساكتين علشان خايفين منه
  وفي يوم من أحد الأيام
 شاف الديك باب البيت مفتوحا
 فدخل المكان اللى بيعيش فيه وهو متردد
 وبص حوليه ملقاش حد  وبعدين بص كده فى باقى الغرف
 وقبل ما يوصل إلى الباب
شاف صاحبة البيت وفي ايدها سكين
تفرم بها الخضار، فخاف من منظر السكين وهى بتلمع
 ورجع إلى الوراء وهو خايف ومرتجف وقلبه يدق دقات سريعة
 فأحس بشيء من الاطمئنان
 لأن السيده مخدتش بالها منه ومشافتهوش
وفكر بالخروج من البيت
 لكنه لم يعرف من أي الأبواب دخل
وهو عمال يدور على الباب الرئيسي لقى نفسه في غرفة فيها ديك غيره
فتح الديك الأول بقه
 وحب  يسأل الديك الآخر عن سبب وجوده في المكان ده
 وإذا به يفتح فمه هو أيضا
اقترب منه قليلا  فاقترب الآخر برضه
 وبقي في حالة خوف من هذا الديك اللى بيتحداه
 إلى أن عرف أن ما يراه ليس سوى صورة له في المرآة
عرف ذلك
عندما رأى كل شيء في الغرفة له صورة مشابهة في المرآة
واقترب الديك من المرآة حتى كاد منقاره يصطدم بها
 وبص إلى صورته وهو معجب اعجاب شديد بيها
 وقال:
ليس صوتي فقط هو الأجمل
والأفضل من أصوات الفراخ
 وإنما ألواني الحمراء والخضراء والبنفسجية
 أجمل من ألوانهن
 كما أن هذا العرف اللى فوق رأسي، ليس للفراخ مثله
ورجع الديك إلى الوراء
 فابتعد عن المرآة وهو مبسوط بألوانه وعرفه وصوته
 وفضل يدور على  باب البيت الرئيسي
 لغايه ما لقيه صاح ثلاث صيحات وهو فرحان
 قبل أن يوصل إلى الفراخ ولما قرب منهم كان الفرحه بتطل من عينيه
 وقال:أيتها الفرخات الضعيفات القبيحات
 ليس صوتي هو الأجمل والأفضل من أصواتكن
 وإنما هذا العرف الذي يزين رأسي
 وهذه الألوان الزاهية أيضا
 انظرن أيتها القبيحات، قد ايه أنا جميل!
وصار الديك يمشي أمام الفراخ متباهيا بصوته وألوانه وعرفه
 وأشعة الشمس تجعل ريشه يزداد لمعاناً
وفجأة !!!
 شاف الديك عيون الدجاجات تنظر إليه بشفقة وخوف
 وفجأة أيضا !!!
 شاف الديك نفسه ممسوكا من جناحيه بيد صاحبة البيت
 والسكين في يدها الأخرى
 تلمع لمعانا مرعبا تحت  اشعه الشمس
صرخ الديك وقال
عايزه مني ايه أيتها السيدة؟
قالت له المرأة بسخرية
أريد أن اشرب معك فنجان قهوة!!!
ثم أضافت
مش عايزه منك حاجه غير لحمك علشان أطبخه مع الخضار
وريشك علشان أضعه في المخده
قال الديك :
أيتها السيدة الطيبه
 بصى شوفى هؤلاء الفراخ إنهم غير جميلات
 فاذبحي واحدة منهم
 أما أنا فصوتي جميل وعرفي يزين رأسي
 وريشي متعدد الألوان
لم يؤثر  كلامه في المرأة كتير غير أنها قالت
وهي تتجه به نحو المطبخ
الدجاجة تبيض فنستفيد منها
 أما أنت فلا نستفيد من صوتك وعرفك وألوانك
 غيرمرة واحدة بس
 عندما نمضغ لحمك، وننام فوق المخده المحشوة من ريشك


توته .. توته .. خلصت الحدوته .. حلوه ولا منتوته
باااااااااااااى
تصبحوا على خير

12 التعليقات:

محمود(باحث عن حب) يقول...

الحمد لله
على نعمه
الانسانيه
حمدا لله
على السلامه
يا مرمر

الحب الجميل يقول...

أزيك يامرموره

أخبارك ايه طمنينى عليكى ؟
يارب تكونى بأحسن حال
ـــــــــــــــــــــ

أيه الديك المغرور دا يامرمر

عايزه مني ايه أيتها السيدة؟
قالت له المرأة بسخرية
أريد أن اشرب معك فنجان قهوة!!!

ههههههههههههههه
عجبانى اوى الحته دى

القصه جميله مووووووووت يامرمر
واسلوبك حلو اوى

تسلم ايدك بجد
قصه حلوووووه وهخلى لولو تقعد تقراها

دمتى بخير وحب

mrmr يقول...

محمود
قصه الديك المغرووور
ممكن تكون قصه اى انسان شاعر انه احسن من غيره بكتير وانه بجماله وشياكته افضل منهم ويتكبر عليهم ويحتقرهم
مش عارف ان الانسان البسيط عن ربنا افضل منه
شرفتنى ونورتنى

mrmr يقول...

حبى الجميل
اهلا باجمل حب عندى
على فكره انا بمووووت فيكى وفى حبك
وقلبك الطيب يكفى سؤالك على اصحابك وقلقك عليهم
اشكر ربنا انا بخير
دايما ربنا بيفعل الصالح لينا

ابقى بوسيلى لولو قوى والمره الجايه ح اجيبلها قصه جميله تستمتع بيها
و اتمنى تكون فهمت معنى القصه
نورتينى يا قمرايه

سلسبيل يقول...

مرمر انا اسفة على التأخير
بس بجد قصة جميلة جداً
تسلمى حبيبتى عليها
و الديك يستاهل لأنة مغرور
و دى اخر الغرور
هههههه

تحياتى لك

mrmr يقول...

سلسبيل
ازيك يا عمرى
لا متتأسفيش اكيد فى شئ قى منعك عننا
المهم انتى بخير وطيبه

كل مغرور يستاهل الى يجرى له لغايه ما يعرف ان الله حق
نورتينى يا جميل

المجاهد الصغير يقول...

السلام عليكم
توته توته خلصت الحتوته
ماشاء الله
وفقكم الله
ام انس

mrmr يقول...

المجاهد الصغير
اهلا بيك فى اجمل ركن ليا
ركن الاطفال
شرفتنى ونورتنى
تحياتى

(ست* جنى* الحسن) يقول...

سلامو عليكو..
بالهنا والشفا الديك
مش كنتى تعزمينى؟؟؟؟؟؟؟؟؟
ههههههههههه
قصة حلوة تنفع للاطفال
لكى تحياتى

mrmr يقول...

ست الحسن والجمال
الديك كلوووووووو تحت امرك
دا انا ادبحلك خروووف مش ديك
بس هى فعلا مدونه للاطفال
بس بحبها قوى لانها بترجعنى طفله من تانى
شرفتينى يا قمرايه

العيسوى الصغير يقول...

زمانه اتمنى لو كان بيبض

mrmr يقول...

العيسوى الصغير
اضحكتى جدا
فعلا لو علم آمره كان اتمنى ان يكون فرخه
هههههههههه

دعــــــوة للضحك من القلب

دعوة للضحك من القلب
اضف هذا الكود الى مدونتك ليظهر عندك رابط مدونة أبتسامات بهذا الشكل