ركن المرأة شبـــــــاب على طــــــول ابتسامــــــــات جرائد وصحف

السبت، يوليو 24

لولى محتاره ومنداره



لولى قطه جميله مش عجبها حالها ولا شكلها

 في كثير من الاوقات كانت تبص فى المرايه .. ومش

عجبها شكلها خالص

وديما كانت تتذمر من شكلها اللى مش عجبها ده

وكانت دائمة تراقب الحيوانات من بعيد

فمرة تحلم أن تطير ذى الطيور ومرة تحلم أن تعوم ذى

السمكة، ومرة أن تقفز ذى الكنغر


وفي مره من المرات كانت تراقب البطات اللى حوليها

وهما يبعوموا على سطح الميه

فقالت ااااه انا أحب أن أكون ذى البطة أجيد

السباحة.. ولكن هذا القناع مش  حيساعدنى أن اكون

بطة حقيقية أو أن أسبح ذى باقي البطات

ذى فكره فاشله


وبعدين  شافت أرنب يقفز بسرعة ويأكل الجزر

بأسنانه الكبيرة، حبت انها تقفذ ذى القفزات

الطويلة دى ، فقررت أنها تصبح أرنب ، ولكن الآذان

الطويلة مش ح تسهل عليها عملية القفز

ولا الجري بل على العكس ح تزيدالطين بلة


وشويه وهى راجعه البيت وهي متذمره وزعلانه وعماله

تشد فى شعرها من كتر الغضب  شافت قطيع من

الخرفان، فحبت شكلها بصوفها الكثير اللى على ظهرها

، فقررت أن تبقى خروف جميلاً، ولكن الصوف على

جسمها مش ح يخليها خروف حقيقي


وأخيراً.. كان القرار الأخير والغريب



وهى ماشيه بتلف وتدور في أحد البساتين شافت ايه!!!


شافت بعض الفاكهة، فوصل فكرها و طمعها انها تكون 

فاكهة لذيدة برائحة طيبة

فوضعت بعض قشور الفاكهة على رأسها، ومن كتر

تعبها ولفها ودورانها راحت فى نوم  عميق

وفجأة !!!

حست كأن فى  ما حد بيحركها من مكانها، نظرت الى

فوق لقيت خرفان كتير حواليها بتفتح بقها بتحاول

 أكلها، كانت فاكرها نوع الفاكهه اللذيذه

لكن لما انتبهت لولى هذا حتى خلعت القناع وجريت

هربانه مذعورة

وهي تقول
أنا محظوظة علشان انا قطة مش اى حاجه تانيه اقدر

أهرب بسرعة ومش فاكهة أو أي حاجه غير انا

شكرا يارب علشان عرفت قميتى

ورجعت لولى بيتها وهي مبسوطه وسعيده

وقالت خلاص حرمت ابص لغيرى تانى




توته .. توته .. خلصت الحدوته .. حلوه ولا منتوته

باااااااااااااى

تصبحووووووووووا على خيرررررررررر

16 التعليقات:

محمود(باحث عن حب) يقول...

ايون انا انسان
راضى
ان ربنا
خلقنى كده
علشان اعبده
واعيش الحياه فى ظل طاعته
طبعا
كتير الواحد بيحب انه يكون حاجه تانيه
غير
انسان
بس
برضوا
بيرجع
ويقول الحمد
لله

mrmr يقول...

ايون يا حوده
نشكر ربنا كتير على عطياه
اهم شى الرضى ثم الرضى ثم الرضى
ربنا يجعلنا ديما عايشين فى رضاه وطاعته
ربنا يكرمك

مصعب صلاح يقول...

السلام عليكم
الواحد لازم يكون نفسه مش حد تاني

Ramy يقول...

مرمر فضيلة (:

حب ما انت علية ما انت فية

اشكر ربنا على كل اللى عندك

اللى عندك حلم كبير عند ناس كتير

ترنيمة اطفال

اصل انا بحب ترانيم الأطفال جدا (:

علشان كدة انا حبيت المدونة دى (:

مرمر تسلم ايدك

ربنا معاكى دايما (:

أتنين حبيبين يقول...

جميله يا ماما


أنا بحبك اووى عشان بتبسطينى وبتقوليلى حدودته اتعلم منها الصح والغلط
ربنا يخليكى يا مامتى يا حبيبتى

وهاتى ليا شكولاته ومصاصه عشان انام واسمع الكلام
اموووووووووووووووواه

فاتيما يقول...

قريت جملة زمان يا مرمر بتقول


الرضا
نص المسافة


بعتبرها جملة عبقرية
و بتوفر ع اللى يعقلها
حاجات كتير
و خيبات امل كتير
بس يتمعن فيها
و يحمد ربنا


تحياتى ليكى

الحب الجميل يقول...

جميله يا مرمر
الحمد لله رب العالمين نشكره ونحمده على كل شىء
معليش اتاخرت عليكى فى التعليق
بوسيلى القطاقيط
دمتى فى حفظ الرحمن

mrmr يقول...

مصعب صلاح
اهلا بيك منورنى
ربنا يكرمك

mrmr يقول...

رامى
كلمات الترنيمه حلووووووه
شكرا ليك
ربنا معاك ويحافظ عليك

mrmr يقول...

توتا
حبيتى الغاليه
من عيون ماما
المره الجايه ح تلاقى شيكولاته ومصاص كتيييييييييييير
المهم تكونى مطيعه ومش تعملى شقاوه
بمووووت فيكى
ربنا يسعدك

mrmr يقول...

فاتيما
اهلا اهلا
بجد انت هناااااا
انا مش مصدقه ده شرف كبير قوى ليا انك تزورى مدونتى الصغنونه
بجد انا سعيده جدا

المقوله دى اذا كنتى بتعتبريها نص المسافه فانا بعتبرها المسافه كلها
انا اشكر ربنا على حياتى
وكلى رضا كامل لاراده ربنا

مدونتى زادت نور بوجودك فيها
ويارب ما اتحرم من زيارتك ابدا

mrmr يقول...

حبى الجميل
وحشتينى فعلا
لا ابادا يا حبى ما تاخرتيش ولا حاجه كل واحد وظروفه انا بحب التمس العذر للغير ربنا يسعدك
حاضر ابوسهملك من عنيا
وانت كمان بوسيلى لولو كتيييير كتييير
ربنا يسعدك ويحافظ عليكى

BNT ELISLAM يقول...

الحمد لله على كل حال
القناعه والرضى باى حال من الاحوال
وان ربنا له حكه فى كلشىء حتى فى شكل الانسانه له حكمه


ربنا يزيدنا رضى وقناعه

mrmr يقول...

بنت الاسلام
منورانى يا جميل
ربنا يعطينا حياه الرضا فنرضى بقسمه الله

ربنا يسعدك ويحافظ عليكِ

سلسبيل يقول...

قصة جميلة أوووووى
تسلمى حبيبتى بجد

تحياتى لك و حبى

mrmr يقول...

سلسبيل
اهلا يا جميل وحشتينى
ربنا يسعدك ويكون معاكى

دعــــــوة للضحك من القلب

دعوة للضحك من القلب
اضف هذا الكود الى مدونتك ليظهر عندك رابط مدونة أبتسامات بهذا الشكل