ركن المرأة شبـــــــاب على طــــــول ابتسامــــــــات جرائد وصحف

السبت، أغسطس 21

شقاوه حسن


كان يا ما كان كان حسن نايم فى سريره ولما صحى من نومه

 وراح يلعب بالمكعبات بتاعته على طول 


 وبعدين وهوبيلعب لقى  برتقالة على السفره  في البيت فقال انا ح آخذ

البرتقالة وألعب بها ذى الكرة في الحديقة


وبعدين أخذ البرتقالة وفضل يلعب بيها ويرميها هنا وهناك ذى الكوره تمام 

وبعدين سمع حسن  صوت يبكي استغرب قوى حسن  من

 الصوت  ده وحاول أنه يتعرف عليه

وكانت المفاجأة لما عرف إنه الصوت ده خارج من البرتقالة

فسألها حسن وقال لها ليه بتبكي

فقالت وهي فى غاية الغضب والحزن  هل تعرف من أنا ؟

 فقال حسن انتي طبعا ً برتقاله

فقالت وهل تعرف انت بتعمل فيا ايه ؟

 فقال ايوه انا العب وأجري وأقذفك بالبرتقاله هنا وهناك

فقالت وهي تبكي بتقول ايه !! أنا برتقاله مش كورة

 أنا مخلوق ذيك تماماً انت تحب حد  يلعب بيك كده

 ويقذفك هنا وهناك ذى ما تفعل انت معايا

لقد خلقني الله سبحانه وتعالى لأشياء مهمة ممكن أنك تستفيد بكل جزء منى

 ممكن مثلا ً أنك تعمل مني عصير وممكن أيضا ً أنك تعمل منى مربى حلوة

أو تأكلني كده بعد ما تقشيري

وكمان تأخذ قشري وتعمل منه رائحة جميله في الطعام

فذهب حسن وهو حيران بيسأل مامته وقال لها على اللى سمعه من البرتقالة

فقالت له فعلاً يا حسن البرتقال له فائدة كبيره في حياتنا

 فالله سبحانه وتعالي خلق لنا الثمرة دى علشان

تعطينا الفيتامينات والزيوت المهمة لأجسامنا وتعطينا الصحة والحيوية

وتمنع عنا نزلات البرد والزكام

ودلوقتى يا حسن عرفت أنك أخطأت فى حق البرتقالة ويجب عليك  أن تعتذر ليها

على طول ذهب حسن إلي البرتقالة واعتذر ليها

وقالها سامحيني مش ح ألعب بيكى ثانى  ابدا  وامتنع حسن عن اللعب بالبرتقالة

وأصبح كل يوم يشرب عصير البرتقال  لأنه تأكد أن البرتقال

مهم جداً للصحة وأن الله خلقه للاستفادة منه

 وليس للعب به


وتوته توته ... خلصت الحدوته ... حلوه ولا منتوته


انتظرونى فى حكايه جديده

تصبحوااااااااا على خيررررررر

32 التعليقات:

دموع القمر يقول...

ياخراشى
انا اول تعليق

دموع القمر يقول...

ياحالولى ياحالولى
وتانى تعليق

دموع القمر يقول...

عثل عثل عثل

يامرمر
قصصك حلوة

mrmr يقول...

دموع القمر
انت سهرانه ليه لغايه دلوقتى
البنات الشاطرين يسمعوا حدوته قبل النور ويجروا على السرير على طوووووول
باللا يا قم تصبحى على خير
هههههه

انت العسل كله يا جميل
نورتى

دموع القمر يقول...

حاضر ياماما اسفه
هشرب اللبن وهجرى على السرير
تصبحى على خير اممممممممممموه

mrmr يقول...

شاطره يا قمر
تصبحى بالف هناااااااا

شمس النهار يقول...

حلوة
:))

mrmr يقول...

شمس النهار
انت كمان صاحيه لغايه دلوقتى
طيب ياللا ياقمر
تصبحى على الف خير وسعاده
اشربى اللبن ذى دموع القمر ونامى علطووووووووول
هههههه
نورتينى يا جميل

رمضان كريم

محمود(باحث عن حب) يقول...

(وما من شىء الا يسبح بحمده ولكن لا تفقهون تسبيحهم)صدق الله العظيم
كل شىء من حولنا خلقه الله عز وجل يسبح بحمد الله الشجر والحجر والحيوانات والطيور
وربما راكب الدابه الدابه التى يركبها هى خير من راكبها او صاحبها
فسبحان الله
القصه دى جميله جدا تعرفى ليه يا مرمر
علشان لو الاطفال فهموها هتنمو عندهم روح ان كل حاجه حوليهم بتتكلم وتتألم يخلييهم يحسوا بمشاعر كل حاجه حوليهم وبكده الدنيا فى عيونهم هتكون حلوة وجميله
قصه جميله جدا سلمت يداك عليها

mrmr يقول...

محمود
سبحان الله يمكن انت ادرك معنى القصه علشان كبير
لكن الاطفال محتاجه حد يقراه لهم ويفهمهم المعنى الحقيقى للقصه والمغزى الرئيسى
الله ينور عليك يا جرجاوى

ياللا قوم علشان تلحق تتسحر
ومتنساش تشرب اللبن

رمضان كريم

داليـ ـ ـ ـ ـ ـ ــــا يقول...

هههههههههه
احنا هنفتح حضانه بقه
ونجبهم لماما مرمر
عشان كل يوم تحكى حدونة قبل النوم

تحياتى يامامتى

الحب الجميل يقول...

الصراحه مفيش تعليق أحلى من تعليق محمود باحث
حكايه جميله فعلا
تسلم أيدك
تحياتى

mrmr يقول...

دولى

من عنيا يا قمر
ربنا يرزقك بابن الحلال والزريه الصالحه وانا تحت امرك افضل احكى كتير كتير لحد ما ينقطع نفسى ههههههه

منورانى يا قمر

mrmr يقول...

حبى الجمل

فعلا يا حبى هذا هو الهدف من القصه

وحشتينى

ربنا يسعدك

Ramy يقول...

مرمر فضيلة

يعنى م الأخر لينا فى العصير ده و لا لأ

(:

جميلة القصة

بكرة العيد و هنعيد

كل سنة و انت طيبة

(:

mrmr يقول...

رامى

شب عصير علشان خاطرك بس كده
بالهناااا
وكل سنه وانت طيب
مجبتش ليه الهبر معاك مش عيب تدخل عليا بايدك فاضيه
هههههه

أتنين حبيبين يقول...

:))


:))

اختيارك موفق ياعمرى

زوقك جنان

جميله موووووووووووووووووووت

mrmr يقول...

توتا

تسلم خطوتك يا قمر

ربنا يفرح قلبك

دموع القمر يقول...

دعوة خاصه
على مدونة قلوب بلامرسى
هستنى تعليقك على القصه :)

mrmr يقول...

دموع القمر

حاضر يا وزه
حالا ح تلاقينى بنط فى المدونه جرررررى

من عنيا

Lady E يقول...

حبيبتي البرتقالة :) اكتر عصير بحبه عصير البرتقال بس بيتهيألي هتفزع لو لقيت البرتقالة بتكلمني :)

قصة جميلة بجد

mrmr يقول...

Lady E
بالنهاااااا والشفاااااء

شب عصير هنا لليدى وصلحه

ههههه

منورانى يا قمر

TWEETY يقول...

ازيك ياطانت
اخبارك ايه
انا جيت ازورك
يارب تكونى كويسه
ابقى زورينى ماشى
مع السلامة
كل سنة وانت طيبة

حلوة اوى القصه

mrmr يقول...

تويتى

اهلا بيكى يا روح طنط
طبعا ح اجى ازورك يا قمر
نورتينى

أحمد الصعيدي يقول...

السلام عليكم


ايه يا مرمر انتي عندك حضانة خاصة ولا ايه



عموما اي حاجة للأطفال الصغيرين أنا بحبها موت


سلام يا صعيدي

أحمد الصعيدي يقول...

السلام عليكم


ايه يا مرمر انتي عندك حضانة خاصة ولا ايه



عموما اي حاجة للأطفال الصغيرين أنا بحبها موت


سلام يا صعيدي

mrmr يقول...

احمد يا صعيدى

اى خدمه الحضانه مفتوحه دائما

اسعدتنى زيارتك

هديل الحمام يقول...

الله عليكِ يا مرمر
أيه خفة الدم دي
أول مره أزور مدونتك ومش هتكون الأخيره ^_^
هحكي الحكايه دي لأخوي الصغير ,,أصلو شبه حسن
بتكلم مصري كويس مش كده ^_^
متابعه بإذن الله
كل الود ×_×

mrmr يقول...

هديل الحمام

اسمك جميل يروقنى كثيرا

ويسعدنى جدا متابعتك لامنياتى
وسلامى الى حسن

رمضان كريم

وردة الحياه يقول...

حلوة كتير ومدونتك حلوة كمان وانتي احلى

وردة الحياه يقول...

بانتظاركم بمدونتي وردة الحياة

mrmr يقول...

ورده الحياه

نورتى مدونتى يا قمر

شكرا لمرورك

دعــــــوة للضحك من القلب

دعوة للضحك من القلب
اضف هذا الكود الى مدونتك ليظهر عندك رابط مدونة أبتسامات بهذا الشكل